ტურიზმის ეროვნულმა ადმინისტრაციამ, მიმდინარე წლის თებერვლის ტურისტების რაოდენობის უახლესი მონაცემები გამოაქვეყნა, რომელიც როგორც ჩანს საკმაოდ პოზიტიურია და დადებით მოლოდინებსაც აჩენს.
2018 წლის თებერვალში საქართველოს 440 ათას 806 საერთაშორისო მოგზაური ეწვია, რაც 19.8% მეტია წინა წლის ანალოგიურ პერიოდთან შედარებით. ტურიზმის ეროვნული ადმინისტრაციის მონაცემების თანახმად, შეიძლება ითქვას, რომ 2018 წლის თებერვალში ყველაზე მეტი ვიზიტი აზერბაიჯანიდან, სომხეთიდან, თურქეთიდან, რუსეთიდან და ირანიდან განხორციელდა. პოზიტიური ტენდენცია ნარჩუნდება ევროკავშირის ქვეყნებიდანაც, საიდანაც საქართველოში ჩამოსვლების რაოდენობის ზრდის კუთხით, თებერვალში გამოირჩეოდა: გაერთიანებული სამეფო, ლიტვა, საფრანგეთი და გერმანია. გარდა ამისა, მსოფლიო ბანკმა მსოფლიოს ყველა ქვეყნის ვიზიტორების სტატისტიკა გამოაქვეყნა, სადაც აღნიშნულია, რომ 2006-2016 წლებში ვიზიტორების ზრდის ტემპის მიხედვით, საქართველო მსოფლიოში მე-3 ადგილზეა.

სტუმრები: მარიამ ადამია - “საქმიანი დილის” რეპორტიორი;
გიორგი ჩოგოვაძე - ტურიზმის ეროვნული ადმინისტრაციის ხელმძღვანელი
06.03.2018