როგორც ჩანს ყველაზე მეტი წინააღმდეგობა საკანონმდებლო ორგანოში გარემოს დაცვის სამინისტროს გაუქმებას მოჰყვება. პარლამენტის გარემოს დაცვისა და ბუნებრივი რესურსების კომიტეტმა მთავრობის რეორგანიზაციასთან დაკავშირებულ საკანონმდებლო პაკეტს მხარი არ დაუჭირა. კომიტეტის დასკვნაში აისახება უარყოფითი პოზიცია გარემოს დაცვის სამინისტროს სოფლის მეურნეობის სამინისტროსთან გაერთიანების თაობაზე. როგორც კომიტეტის თავმჯდომარემ კახა კუჭავამ კენჭისყრის წინ განაცხადა, მათ პოზიციას პარლამენტის ყველა სხვა კომიტეტი იზიარებს და მათ მთავრობის რეორგანიზაციის საკანონმდებლო პაკეტს გარემოს დაცვის სამინისტროს შენარჩუნების დათქმით დაუჭირეს მხარი.