გადაწყვეტილება შეცვლილია - 1795 აბიტურიენტს, რომლებმაც ერთიან ეროვნულ გამოცდებზე მინიმალური კომპეტენციის ზღვარი გადალახეს, თუმცა ვერცერთ საგანმანათლებლო პროგრამაზე ვერ ჩაირიცხნენ, ე.წ. მეორადი ჩარიცხვის შესაძლებლობა მიეცემა. ამის შესახებ საქართველოს განათლების, მეცნიერებისა და ახალგაზრდობის მინისტრმა გივი მიქანაძემ ბრიფინგი გუშინ საღამოს გამართა. მისი თქმით, ცვლილება გამონაკლისის სახით, მხოლოდ მიმდინარე წელს მოქმედებს და უმაღლესი განათლების ეროვნული რეფორმის გარდამავალ პერიოდს უკავშირდება.

შეგახსენებთ, რომ წელს ერთიან ეროვნულ გამოცდებზე მისული 40 ათასამდე აბიტურიენტიდან უმაღლეს და პროფესიულ საგანმანათლებლო დაწესებულებებში სწავლის უფლება 34 150-მა პირმა მოიპოვა. Naec.ge-ს ცნობით, საბაკალავრო საფეხურზე 29 481 აბიტურიენტი ისწავლის, მათგან:

სახელმწიფოს მიერ დაფუძნებულ უმაღლეს საგანმანათლებლო დაწესებულებებში 17 862 აბიტურიენტი ჩაირიცხა; ხოლო კერძო უმაღლეს საგანმანათლებლო დაწესებულებებში -11 619. გარდა ამისა, პროფესიულ საგანმანათლებლო პროგრამებზე სწავლის გაგრძელების უფლება 3 141-მა აბიტურიენტმა მოიპოვა.

მნიშვნელოვანი იყო ის ფაქტი, რომ 1 795 იმ აბიტურიენტმა ვინც მინიმალური კომპეტენციის ზღვარი გადალახა, ვერცერთ საგანმანათლებლო პროგრამაზე ვერ ჩაირიცხა. ამასთან საჯარო უნივერსიტეტებში შეუვსებელი დარჩა 3 847 ადგილი, ხოლო კერძოებში – 3 540.

რატომ მივიღეთ აცდენა და რამდენად გაამართლა „ქართული ოცნების“ მიერ გატარებულმა რეფორმამ?


სტუმარი: შალვა ტაბატაძე - განათლების მკვლევარი

#ახალიამბები #BusinessMediaGeorgia