აგროთანადაფინანსების სახელმწიფო პროგრამა 1 ივლისიდან უკვე მოქმედია.

მთავარი ცვლილება პროექტების დამტკიცების მოდელს ეხება: თუ აქამდე ბიზნესგეგმებს ბანკები განიხილავდნენ, ამიერიდან ამ ფუნქციას სოფლის მეურნეობის სამინისტრო (სოფლის განვითარების სააგენტო) მიხედავს, ხოლო საფინანსო ინსტიტუტებს მსესხებლის გადახდისუნარიანობის შეფასება ევალებათ. ეს ცვლილება, სამინისტროს მტკიცებით, პროცესს უფრო მეტად მიზნობრივს გახდის და უზრუნველყოფს, რომ დაფინანსება მხოლოდ დარგისთვის რეალურად პრიორიტეტულმა და სიცოცხლისუნარიანმა პროექტებმა მიიღონ.

ცვლილებები შეეხო ძირითადი საშუალებების დაფინანსების ფინანსურ პირობებსაც, სადაც სახელმწიფოს მხრიდან თანადაფინანსების პროცენტი 11%-დან 9%-მდე; ლიზინგის შემთხვევაში — 12%-დან 10%-მდე; ხოლო სუბსიდირების მაქსიმალური ვადა 48-დან 36 თვემდე შემცირდა. ეს შეზღუდვები არ ეხება საბრუნავ საშუალებებს, სადაც პირობები უცვლელი რჩება.

სახელმწიფო ამ ნაბიჯებს დარგის დინამიკის გაჯანსაღებითა და რესურსების უფრო ეფექტური განაწილებით ამართლებს, რაც, მათი აზრით, ბიუროკრატიულ ბარიერებს მოხსნის და პროცესებს მნიშვნელოვნად დააჩქარებს.

როგორ ხედავს ამ სურათს კერძო სექტორი?

სტუმარი: ნიკოლოზ ბენიაიძე - "შირაქის" დამფუძნებელი; მერძევეთა ასოციაციის თავმჯდომარე

#საქმიანიდილა-ს #ანალიტიკა ელენე კვანჭილაშვილთან ერთად


#ახალიამბები #BusinessMediaGeorgia