PACE Group-ფოთის ახალ საზღვაო ნავსადგურში მეორე ნავმისადგომის მშენებლობა იწყება. პროექტი ამერიკული DFC-ის 25 მილიონი დოლარის თანადაფინანსებით ხორციელდება. ახალი, ნავმისადგომი ნაყარი ტვირთების გადამუშავების შესაძლებლობის გაზრდით, პორტის გამტარუნარიანობა 3 მილიონ ტონას მიაღწევს. პრემიერის განცხადებით, ფოთის პორტის ახალი ნავმისადგომის პროექტი საერთო მიზნით აერთიანებს სახელმწიფოს, ბიზნესს და ამერიკულ ფინანსურ ინსტიტუტებს. პეის ინტერნეიშენალის პრეზიდენტმა სოსო დოლიძემ განმარტა პროექტის საერთო ღირებულება შეადგენს 130 მილიონ ამერიკულ დოლარს, საიდანაც 55 მილიონი პორტის მფლობელი კომპანიის PACE-ის კონტრიბუციაა ამ პროექტში. ძირითადი ნაწილი 75 მილიონი კი არის DFC-ის, ანუ ამერიკის შეერთებული შტატების საერთაშორისო განვითარების ფინანსური კორპორაციის მიერ გამოყოფილი გრძელვადიანი სესხი. საერთო ჯამში ფოთის ახალი საზღვაო ნავსადგური 3-დან 5 მილიონ ტონა ტვირთამდე დაამუშავებს.


#ახალიამბები #BusinessMediaGeorgia