საქართველოს პარლამენტი „ადმინისტრაციულ სამართალდარღვევათა კოდექსში“ დაგეგმილ ცვლილებებს განიხილავს, რომელიც საგზაო მოძრაობისა და სანქციების მიმართულებით რამდენიმე მნიშვნელოვან სიახლეს ითვალისწინებს. პროექტის მიხედვით, ღამის საათებში იცვლება ავტობუსის ზოლებით სარგებლობის წესი, პარალელურად კი მსუბუქდება ჯარიმები სიჩქარის გადაჭარბებასა და მწვანე ნარგავების დაზიანებაზე.

კანონპროექტის თანახმად, ღამის საათებში 01:00 საათიდან 06:00 საათამდე, სადისტრიბუციო ავტომანქანებს BUS LANE-ში დგომისა და ტვირთის გადმოზიდვის უფლება ექნებათ. კონკრეტულ წესებსა და პირობებს, რომლებსაც სადისტრიბუციო ტრანსპორტი უნდა აკმაყოფილებდეს, შინაგან საქმეთა მინისტრის ბრძანება განსაზღვრავს.

იურიდიულ საკითხთა კომიტეტის თავმჯდომარის, არჩილ გორდულაძის განმარტებით, აღნიშნული ინიციატივა ქალაქში საცობების განტვირთვას ისახავს მიზნად.

რამდენად უპასუხებს სექტორის წინაშე არსებულ გამოწვევებს კანონპროექტი?

სტუმარი: ლაშა რიჟამაძე - დისტრიბუტორთა ბიზნესასოციაციის თავმჯდომარე

#ახალიამბები #BusinessMediaGeorgia