საქართველოში ტრამ თაუერის მშენებლობის შესახებ, პირველად ვოლ სტრიტ ჟურნალმა დაწერა. The Wall Street Journal-ის ინფორმაციით, Trump Organization-ი ქართველ პარტნიორებთან ერთად თბილისში 70-სართულიანი მრავალფუნქციური ცათამბჯენის, Trump Tower-ის მშენებლობას გეგმავს. ეს პროექტი დედაქალაქში ყველაზე მაღალი ნაგებობა იქნება.

როგორც გამოცემის მასალაშია აღნიშნული, Trump Organization-ი საქართველოში მშენებლობას არქის და Biograpi Living-ის კონსორციუმთან ერთად გეგმავს.

აღსანიშნავია, რომ საქართველოში ტრამპ თაუერის ბრენდის შემოყვანის მცდელობა წარსულშიც იყო. 2011-2012 წლებში დონალდ ტრამპმა და ქართულმა საინვესტიციო ჯგუფმა სილქ როუდ გრუპმა გააფორმეს შეთანხმება, რომელიც ბათუმში 47-სართულიანი, 250 მილიონი აშშ დოლარის ღირებულების ულტრა-თანამედროვე საცხოვრებელი კომპლექსის აშენებას ითვალისწინებდა.

ბათუმთან ერთად კი პროექტი თბილისშიც უნდა განხორციელებული და ტრამპ თაუერი დედაქალაქში თბილისის ისტორიულ ნაწილსა და თანამედროვე არქიტექტურას შორის ერთგვარ ხიდად უნდა ქცეულიყო. პროექტის პრეზენტაციას 2012 წელს ბათუმში თავად დონალდ ტრამპი დაესწრო. თუმცა, წლების განმავლობაში პროექტი შეფერხდა.

საბოლოოდ, 2017 წლის იანვარში, დონალდ ტრამპის ამერიკის შეერთებული შტატების პრეზიდენტად ინაუგურაციამდე ცოტა ხნით ადრე, ტრამპის ორგანიზაციამ და სილქ როუდ გრუპმა ერთობლივი განცხადებით ოფიციალურად გააუქმეს სალიცენზიო ხელშეკრულება.

რის ეყრება საფუძველი საქართველოში ქართული მხარის და აშშ-ის პრეზიდენტის ბიზნესთან პარტნიორობით და ზოგადად მეტი წარმოადგენა რომ შეგვექმნას, დღეს ტრამპ თაუერი მსოფლიოს მასშტაბით ფუფუნების, ექსკლუზიურობისა და სიმდიდრის სიმბოლოდ აღიქმება. როგორ შეიქმნა ეს ბრენდი, რამდენ ქვეყანაში ოპერირებს ის და რა პრინციპზე დგას ბრენდის ბიზნეს მოდელი?


#ახალიამბები #BusinessMediaGeorgia