2 აპრილიდან ამერიკაში ბიზნეს ან ტურისტული ვიზიტის დაგეგმვა იმის გათვალისწინებით მოგვიწევს, რომ დეპოზიტზე გირაოდ დასადები თანხა უნდა გვქონდეს – მინიმუმ 5 და მაქსიმუმ 15 ათასი დოლარი, თორემ შეიძლება ვიზის გაცემის საფუძველი კი არსებობდეს, მაგრამ ამერიკაში მაინც ვერ გავფრინდეთ, რადგან აწი დეპოზიტი გაზომავს უფრო ზუსტად ჩვენს მიმართ არსებულ მოლოდინს, დავარღვევთ თუ არა ვიზით გათვალისწინებულ ვადებს – თუ დავარღვევთ, დეპოზიტზე ჩვენთვის გათვალისწინებულ გირაოს – 5, 10 ან 15 ათასი დოლარის ოდენობით, როგორც ამას ყველა ინდივიდუალურ შემთხვევაში კონსული გადაწყვეტს – ვკარგავთ.

შეეძლო თუ არა იქ ჩვენს ელჩს ან აქ ჩვენს საგარეო საქმეთა სამინისტროს ამ გადაწყვეტილების პრევენცია იმის ნაცვლად, რომ საქართველოს მოქალაქეებისთვის არ დაებრალებინა გავრცელებული განცხადებით – რომ არღვევდით ვადებს, აბა, რა გეგონათო – ამაზეც ვიმსჯელებთ სტუმრებთან ერთად. შეცვლიდა თუ არა რამეს, საქართველოს ამერიკასთან სტრატეგიული თანამშრომლობის მოქმედი ხელშეკრულება რომ ჰქონოდა და რა გავლენა ექნება ფაქტობრივად არასანდო ქვეყნების სიაში საქართველოს მოხვედრას.

სტუმარი: ზვიად აძინბაია - ფლეტჩერის სამართლისა და დიპლომატიის სკოლა, დიპლომატიის პრაქტიკის მკვლევარი

#საქმიანიდილა-ს #ანალიტიკა ელენე კვანჭილაშვილთან ერთად

#ახალიამბები #BusinessMediaGeorgia