საქართველოს ფოსტამ საზღვარგარეთ ამანათების გაგზავნის ტარიფები გაზარდა. ტარიფების ცვლილების შესახებ ინფორმაციას BMG-სთან ცხელ ხაზზე ადასტურებენ და აღნიშნავენ, რომ გაზრდილი ტარიფები დეკემბრიდან ამოქმედდა.

განახლებული ტარიფებით, საბერძნეთის, კერძოდ ათენის მიმართულებით 1 კილოგრამამდე ამანათის გაგზავნის საფასური 1.7 ევროდან 2.2 ევრომდე გაიზარდა, რაც დაახლოებით 30%-იანი ზრდაა.

ესპანეთის, ბარსელონას მიმართულებით განახლებული ტარიფი 3.7 ევროა, რაც აღემატება აქამდე არსებულ 3.2 ევროს.
იტალიის მიმართულებით ასევე გაზრდილი ტარიფები და ბარის შემთხვევაში 2.65 ევროა, მილანის 3.2 ევრო, ხოლო რომის შემთხვევაში ფასი 3.5 ევროა არსებული 2.6 ევროს ნაცვლად.

საფრანგეთის მიმართულებით ტარიფი 50 ცენტით, 5.5 ევრომდე, პოლონეთის მიმართულებით კი 15.1 ლარიდან 16.7 ლარამდე გაიზარდა.
გერმანიის შემთხვევაში 5 კილოგრამამდე ამანათის ახალი ტარიფი 91.5 ლარია, რაც აღემატება აქამდე არსებულ 83.2 ლარს.
დეტალებზე სასაუბროდ გადაცემაში ნინო მენთეშაშვილი - FedEx საქართველოს დირექტორი გვიერთდება.


სტუმარი: ნინო მენთეშაშვილი - FedEx საქართველო, დირექტორი

#ახალიამბები #BusinessMediaGeorgia