საქართველოს ბანკი, როგორც ბიზნესის ერთ-ერთი მთავარი მხარდამჭერი ბანკი, სტუმარმასპინძლობის სექტორის გაძლიერებას აქტიურ რეჟიმში განაგრძობს. ამჯერად, ბანკთან პარტნიორობით, “ტურინვესტ ჯგუფმა” ბათუმში, Hampton - ის ბრენდის პირველი სასტუმრო - Hampton by Hilton Batumi Center გახსნა. პროექტის ჯამური ღირებულება 30 მილიონი ლარია. ბანკის მიერ განხორციელებული ინვესტიცია 16 მილიონ ლარს შეადგენს, რაც სასტუმროს მშენებლობას და მის სრულად აღჭურვას მოხმარდა. Hampton by Hilton Batumi Center ბათუმში, რუსთაველის #20-ში მდებარეობს. სასტუმრო ახლოს არის ქალაქის მთავარ ტურისტულ ღირსშესანიშნაობებთან, რესტორნებთან და გასართობ ობიექტებთან, რაც მას კომფორტულს ხდის როგორც ტურისტული, ისე საქმიანი ვიზიტებისთვის. სასტუმრო 8 სართულიანია და ჯამში 143 ნომერს აერთიანებს. როგორც სასტუმროს მენეჯმენტი აღნიშნავს, იქ მისულ სტუმრებს მაღალი ხარისხის სერვისს, თანამედროვე დიზაინის ნომრებს და იმ კომფორტულ გარემოს შესთავაზებენ, რომელიც Hampton by Hilton-ის ბრენდისთვის გლობალურად არის დამახასიათებელი.


#ახალიამბები #BusinessMediaGeorgia