ევგენი მიქელაძის სახელობის საქართველოს ეროვნული სიმფონიური ორკესტრის 100 წლის საიუბილეო სეზონის ფარგლებში ფესტივალი KONTRAPUNKT Special ჩატარდა. ღონისძიება საქართველოს ეროვნული მუსიკალური ცენტრისა და ნიკოლოზ რაჭველის ინიციატივით, კომპანია „კოკა-კოლა ბოთლერს ჯორჯიასა“ და საქართველოს კულტურის სამინისტროს მხარდაჭერით გაიმართა. ფესტივალი ლეგენდარული ქართველი კომპოზიტორის, გია ყანჩელის დაბადებიდან 90 წლის იუბილეს მიეძღვნა და კლასიკური მუსიკის მოყვარულებს გამორჩეული მუსიკალური პროგრამა შესთავაზა. ფესტივალის წარმდგენია კომპანია „კოკა-კოლა ბოთლერს ჯორჯია“, რომლის მხარდაჭერა კიდევ ერთხელ უსვამს ხაზს მისი პასუხისმგებლობიანი ჩართულობის მნიშვნელობას კულტურის სფეროში - კომპოზიტორებისა და შემსრულებლების ნიჭის დაფასებას, კულტურული მემკვიდრეობის შენარჩუნებასა და საქართველოში კლასიკური მუსიკის განვითარებაზე ზრუნვას.

#ახალიამბები #BusinessMediaGeorgia