ამერიკის სავაჭრო პალატამ საქართველოში სასტიპენდიო პროგრამის სტიპენდიანტების დაჯილდოების ცერემონიალს უმასპინძლა. ღონისძიებაზე, ასევე, ინიციატივის წლიური ანგარიშიც წარადგინეს. როგორც ცნობილია, ამერიკის სავაჭრო პალატამ, მაკლეინის ასოციაციასთან თანამშრომლობით, 2023 წელს საქართველოს სახელმწიფო უნივერსიტეტებში ჩაბარების მსურველთათვის სასტიპენდიო პროგრამა დაიწყო. ორგანიზაციის წევრები კომპანიების დახმარებით, იმ სტუდენტთა მხარდასაჭერად, რომლებიც უნივერსიტეტში სწავლას დაფინანსების გარეშე ვერ შეძლებდნენ, თანხები მობილიზდა. პროგრამის ფარგლებში კი სწავლის საფასური სრულად და ცხოვრების ხარჯები ნაწილობრივ დაფინანსდა. გარდა ფინანსური მხარდაჭერისა, პროგრამის პარტნიორი ორგანიზაციები სტუდენტებს სტაჟირების, ინგლისური ენის კურსების, მოკლე ტრენინგებისა და სხვა მიმართულებებით ეხმარებიან.

ღონისძიებას ამერიკის შეერთებული შტატების ელჩის მოვალეობის შემსრულებელი საქართველოში, ალან პერსელიც ესწრებოდა. როგორც მან ბიემჯისთან საუბრისას აღნიშნა, საელჩოს გუნდი მუდმივად ცდილობს, რომ ქართველ ბიზნეს ლიდერებს განვითარებისა და სხვადასხვა პროექტების განხორციელების პროცესში მხარი დაუჭირონ, რაც მომავალ წელსაც გაგრძელდება, ახალი გეგმებით და მიზნებით, რაც საქართველოსა და ამერიკის ერთობლივ სიძლიერესა და ამერიკული ბიზნესების საქართველოზე პოზიტიურ გავლენას კიდევ ერთხელ ადასტურებს.

#ახალიამბები #BusinessMediaGeorgia