კორუფციის ბრალდებით დაკავებული პირების რაოდენობა იზრდება. გასული კვირის ბოლოს ჩამონათვალს ინფრასტრუქტურის მინისტრის ყოფილ მოადგილე, კობა გაბუნიას შეემატა. პროკურატურის მიერ გავრცელებული განცხადების მიხედვით თანამდებობაზე ყოფნის პერიოდში, ბრალდებულის უშუალო დაქვემდებარებაში იყო მუნიციპალური განვითარების ფონდი, რომელმაც 2023 წლის თებერვლიდან 30 საბავშვო ბაღის პროექტირება/მშენებლობის თაობაზე ტენდერები გამოაცხადა რომელშიც გამარჯვებულად შპს „ლაგი კაპიტალი“გამოცხადდა.

ბრალდებულისთვის ცნობილი იყო, რომ „ლაგი კაპიტალი“ ხელშეკრულებებით ნაკისრ სამუშაოებს არ ასრულებდა და ფონდისგან ყოველგვარი დასაბუთების გარეშე ითხოვდა საავანსო თანხების გაცემას, თუმცა მიუხედავად ამისა, გაბუნიამ ბოროტად გამოიყენა თავისი სამსახურებრივი უფლებამოსილება და „ლაგი კაპიტალს“, ეტაპობრივად, ავანსის სახით 11 200 000 ლარზე მეტი თანხა გადაურიცხა. ჩარიცხული თანხებიდან „ლაგი კაპიტალის“ ხელმძღვანელი პირები მართლსაწინააღმდეგოდ 9 365 000 ლარს დაეუფლნენ. ბავშვები კი ცხადია ბაღების გარეშე დარჩნენ.
სამსახურებრივი უფლებამოსილების ბოროტად გამოყენების ბრალდებით დაკავებულია მუნიციპალური განვითარების ფონდის ყოფილი აღმასრულებელი დირექტორი დავით ტაბიძეც.

"ოცნების" ინფრასტრუქტურის მინისტრმა რევაზ სოხაძემ გასულ კვირას განაცხადა, რომ მიღმა აუშენებელი პროექტებისა, პრობლემებია შესრულებულ სამუშაოებშიც. საუბარია 214-დან 161 შემთხვევაზე, რომელთა ჯამური ღირებულებაც 1 მლრდ ლარს აჭარბებს.

ეკონომისტების ნაწილი მიიჩნევს, რომ „ქართული ოცნების“ მთავრობის ბოლო დროინდელი ქმედებები არა კორუფციასთან ბრძოლას არამედ კონკრეტული ჯგუფების დასჯას ემსახურება, რაც სამომავლოდ ეკონომიკურ ზრდასა და ქვეყნისადმი ნდობაზე, ნეგატიურ ასახვას იქონიებს.

"ამხელა თანხები თუ არსებობდა საქართველოში არა თუ საშოვნელად, არამედ მოსაპარად ვერ წარმომედგინა" - ეს განცხადება ბიზნესმენმა თემურ ჭყონიამ კორუფციულ კრიზისზე დასმული კითხვის საპასუხოდ გააკეთა.

ბიზნესმენი ირაკლი რუხაძე კი ამბობს, რომ ბიზნესი კორუფციას პრობლემად არ თვლის. მან ბიზნესისა და ირაკლი კობახიძის შეხვედრის შემდეგ, კორუფციაზე კითხვის საპასუხოდ ჟურნალისტებს უ

#ახალიამბები #BusinessMediaGeorgia