საქართველოში კინოს ისტორია თითქმის ისეთივე ხანგრძლივია, როგორც თავად მსოფლიო კინემატოგრაფიის — პირველი კინოჩვენება თბილისში 1896 წელს გაიმართა, სულ ერთი წლით გვიან, ვიდრე ძმები ლუმიერების მიერ პარიზში გამართული პირველი კინოჩვენება. სწორედ აქედან დაიწყო ქვეყნის კინოხელოვნების გზა, რომელმაც საუკუნეზე მეტი განვლო — “ილუზიონიდან” და “ამირანიდან” დღემდე. საბჭოთა წლებში კინოთეატრები კულტურული ცხოვრების ცენტრად იქცა, 90-იანებში კი, კრიზისთან ერთად, ბევრი მათგანი გაქრა. ახალ ათასწლეულში ინდუსტრია კვლავ გამოცოცხლდა, თუმცა ერთ-ერთი ყველაზე სიმბოლური ადგილი — „კინო რუსთაველი“ — 2018 წლიდან კვლავ ჩაბნელებულია. და ახლა, როცა მის ისტორიულ შენობაში არაბული დეველოპერული კომპანიის ოფისი გაიხსნა, თითქოს თბილისის კინოს ერთმა ეპოქამ საბოლოოდ დახურა ფარდა.


#ახალიამბები #BusinessMediaGeorgia