თბილისში წელს შემოწმებული 327 სილამაზის სალონიდან 138-ში სანიტარიული ნორმების შეუსრულებლობა გამოვლინდა - ამის შესახებ ინფორმაცია bm.ge-მ თბილისის მერიიდან გამოითხოვა. როგორც უწყების მიერ მოწოდებული სტატისტიკიდან ირკვევა, მიმდინარე წელს, იანვრიდან 19 სექტემბრის ჩათვლით, 134 სილამაზის სალონი ხელახლა გადამოწმდა, თუმცა ჯარიმა არცერთ შემთხვევაში არ დაწერილა. მერიას დარღვევების გამო არცერთი სალონი არ დაუჯარიმებია არც 2024 წელს, როცა 312 სალონიდან 134-ში დარღვევები გამოვლინდა.

საინტერესოა ტატუ სალონების შემოწმების შედეგებიც, მიუხედავად გაზრდილი მიწოდებისა, წლის განმავლობაში მხოლოდ 9 სალონია შემოწმებული, საიდანაც 4-ში აღმოჩნდა დარღვევა, თუმცა ჯარიმა ხელახლა გადამოწმების შემდეგ არც ამჯერად არ დაწერილა, რაც ალბათ ნიშნავს იმას, რომ იმ დროისთვის სალონები მოთხოვნილ ნორმებს აკმაყოფილებდნენ. 2024 წელს კი მხოლოდ 7 ტატუს სალონი დამონიტორინგდა, დარღვევა კი 2 მათგანში იქნა აღმოჩენილი.

რეალურად რა ხდება ამ სფეროში?

სტუმარი: ირმა ასკურავა - პირველი ქალი ტატუ არტისტი, სტუდია “მორნინგსტარის” დამფუძნებელი

#ახალიამბები #BusinessMediaGeorgia