მსოფლიოს არაერთი ეპატაჟური და ქარიზმატული სპორტსმენი ახსოვს, თუმცა 21-ე საუკუნეში ცალსახად გამოსარჩევია ირლანდიელი შერეული საბრძოლო ხელოვნების ოსტატი კონორ მაკგრეგორი, რომლის ლომის წვლილია იმაში, რომ MMA ყველაზე მზარდი სპორტის სახეობაა. ამ ადამიანმა თავისი უნიკალური იმიჯითა და ორატორული უჯარ-ჩვევებით ახალ დონეზე გადაიყვანა MMA და პირველ რიგში UFC. დღეს, რომ ამ სპორტის სახეობას აურაცხელი გულშემატკივარი ჰყავს ყველა ასაკობრივ კატეგორიაში დიდწილად მისი დამსახურებაა, თუმცა აუცილებლად უნდა გამოვყოთ საკუთარი თავის რეკლამირებისა და ბიზნესის კეთების ის უნარები, რომელიც კონორმა კარიერის პარალელურად გვაჩვენა. ახლა სულაც საშემოდგომოდ ირლანდიის პრეზიდენტობაზე გამოთქვამს პრეტენზიას, რაც საკმაოდ ხმამაღალი განაცხადია, თუმცა მას პირადი მხარდაჭერა აქვს აშშ-ს პრეზიდენტის დონალდ ტრამპისგან, რომელიც ირლანდიელის დიდი ქომაგია. მაკგრეგორის კარიერა სავსეა აღმასვლითა და დაცემებით, ჩემპიონობებითა და ძალადობრივი ბრალდებებით, ანუ ისე ცხოვრობს, როგორც სტერეოტიპული ჰოლივუდის ვარსკვლავი. უფრო მეტ ძალიან საინტერესო დეტალს მისტიკური მაკის შესახებ, ირაკლი მოდებაძის სიუჟეტიდან გაიგებთ დაწყებული სანტექნიკოსობიდან დამთავრებული ირლანდიის პრეზიდენტობის კანდიდატობამდე.

#ახალიამბები #BusinessMediaGeorgia