2025 წლის 5-13 აპრილის პერიოდში ბათუმში ჩატარდება მსოფლიოში ერთ-ერთი ყველაზე მასშტაბური და პრესტიჟული საერთაშორისო პოკერის ტურნირი – EAPT Batumi 2025, რომლის საპრიზო ფონდი 1 მილიონი დოლარი იქნება.ეს არის რიგით მეორე საერთაშორისო ტურნირი, რომელთა სერიასაც ECLIPSE POKER CLUB მასპინძლობს. ეს მოვლენა არა მხოლოდ საერთაშორისო მოთამაშეებს მოიზიდავს ბათუმში, არამედ მას შეუძლია მნიშვნელოვანი გავლენა იქონიოს რეგიონის ეკონომიკური, ტურისტული და საერთაშორისო იმიჯის განვითარებაზე.

EAPT Batumi არის არა მხოლოდ პოკერის ტურნირი, არამედ ჩემი აზრით უნიკალური შესაძლებლობა რეგიონისთვის, რომ აჩვენოს თავისი პოტენციალი საერთაშორისო არენაზე მაღალი კლასის საერთაშორისო ღონისძიებების მასპინძლად.ეს ერთი, და რაც მთავარია, ჩვენი ზღვისპირეთი და საკურორტო ზონა არ პოზიციონირებდეს როგორც მხოლოდ საზაფხულო და ზღვის კურორტი.

ასეთი მაღალი დონის პოკერის ტურნირები ჩემი აზრით, მნიშვნელოვანია საქართველოსთვის და ხელს შეუწყობს ათასობით მაღალშემოსავლიანი ტურისტის ჩამოსვლას რეგიონში, არა მხოლოდ ზაფხულის პიკის პერიოდში, არამედ არასეზონზეც. ტურნირები ითვალისწინებს მინიმუმ 2,000 მონაწილის და მათი თანმხლები პირების 10-15 დღიან ვიზიტს, რაც იწვევს 5,000-მდე ტურისტის ვიზიტს. მათი ხარჯები სასტუმროებში, რესტორნებში და სხვა მომსახურების სფეროებში მნიშვნელოვნად გააძლიერებს ადგილობრივ ეკონომიკას.

#ახალიამბები #BusinessMediaGeorgia