საინვესტიციო ბანკ Galt & Taggart-ის მონაცემებით, 2025 წლის იანვარში, საქართველომ ტურიზმიდან 290 მილიონი დოლარის შემოსავალი მიიღო, რაც 1.4%-ით გაზრდილი მაჩვენებელია.

ასევე ცნობილია, რომ ოქროს ფასი გუშინ რეკორდულ ნიშნულამდე გაიზარდა. უნცია მეტალის ღირებულებამ 2,900 დოლარს მიაღწია, რაც ერთწლიან პერიოდში 43%-ით გაზრდილი მაჩვენებელია.

ოქროს გაძვირებამ კი საქართველოს რეზერვების კლება შეამცირა. ეროვნული ბანკის მონაცემებით, 31 იანვრისთვის საქართველოს სარეზერვო აქტივების ზომამ 4.43 მლრდ დოლარი შეადგინა, გასულ თვესთან შედარებით, კლება 18.4 მლნ დოლარია. თუმცა კლების ამ მაჩვენებელზე მნიშვნელოვანი გავლენა მოახდინა ოქროს გაძვირებამ. ბოლო 1 თვეში ოქროს რეზერვების ღირებულება 40.88 მილიონი დოლარით გაიზარდა და ნაწილობრივ დააკომპენსირა სავალუტო რეზერვების 60.5-მილიონიანი კლება.

სტუმარი: ლაშა ქავთარაძე - Galt & Taggart-ის ეკონომისტი;

#ახალიამბები #BusinessMediaGeorgia