მას შემდეგ რაც საქართველოს პარლამენტმა რუსული კანონის ამოქმედების გადაწყვეტილება მიიღო, სხვადასხვა სექტორი არაერთი გამოწვევის წინაშე აღმოჩნდა. სირთულეები გაჩნდა, არასამთავრობო ორგანიზაციების საქმიანობის ჭრილში.

ე.წ. "რუსული კანონის" მიღების გავლენა ქალთა უფლებრივ მდგომარეობასა და ქალთა საკითხებზე მომუშავე ორგანიზაციების საქმიანობაზეც აისახა, - ქალთა უფლებებზე მომუშავე ორგანიზაციები, დღეს, დგანან იმ საფრთხის წინაშე, რომ, ზოგ შემთხვევაში, შეაჩერეს ან შეწყვიტეს საქმიანობა, შესაბამისად შეწყდა ან შეიძლება შეწყდეს ყველა ის სერვისი და მხარდაჭერა, რომელსაც ქალები, განსაკუთრებით კი ძალადობის მსხვერპლი ქალები იღებდნენ. რუსული კანონის გავლენაზე საუბრობენ ქალთა საინფორმაციო ცენტრშიც, სადაც ამბობენ, რომ შეჩერდა კონკრეტული სერვისები რომლებიც ქალთა გაძლიერებისკენ და მხარდაჭერისკენ არის მიმართული. თავის მხრივ, ქალთა საინფორმაციო ცენტრის მისიაა ქალთა გაძლიერება, ქალთა უფლებების დაცვა, საზოგადოების ინფორმირება გენდერული თანასწორობის მისაღწევად და დემოკრატიული პროცესების ხელშეწყობისთვის. ორგანიზაცია სხვადასხვა სამიზნე ჯგუფებთან მუშაობს და აქტიურად არის ჩართული - გენდერული საკითხების ადვოკატირებასა და ქალთა აქტივიზმის გაძლიერებას.

სტუმარი: ელენე რუსეცკაია - “ქალთა საინფორმაციო ცენტრის” გამგეობის თავმჯდომარე;

#ქალებისნარატივი მარიამ იზორიასთან ერთად


#ახალიამბები #BusinessMediaGeorgia