პარლამენტის კვლევითი ცენტრი ლიკვიდაცია რამდენიმე დღის წინ გამოცხადდა და ამ ცენტრის თანამშრომელთა ნაწილი მიიჩნევს რომ ეს გადაწყვეტილება მათი საჯარო შეხედულებების გამო მოხდა, აღნიშნულს რამდენიმე დღის პარლამენტარი მამუკა მდინარაძე გამოეხმაურა.

წარმოუდგენელია, რაღაცას ვაკეთებდე, ხელფასს ვიღებდე და საიდანაც ხელფასს ვიღებ, იმ უწყებას ვებრძოდე - ანუ შენი აღქმით, რაღაც საზიზღარ რუსულ დაწესებულებაში ზიხარ, შენს აღქმაში მთელი დღის განმავლობაში პუტინს ემსახურები, მერე ქუჩაში გადიხარ და პუტინის მსახურებას გარედან აპროტესტებ... ჩემი აზრით, ეს ამორალურია! - ასე უპასუხა უმრავლესობის ლიდერმა მამუკა მდინარაძემ პარლამენტის კვლევითი ცენტრის ლიკვიდაციასთან დაკავშირებით დასმულ კითხვას, რა პროცესიც აღნიშნული ცენტრის თანამშრომელთა ინფორმაციით იმის გამო დაიწყო, რომ მათ საჯარო სექტორში დასაქმებულთა ერთობლივ განცხადებას ხელი მოაწერეს.ბატონი მდინარაძის თქმით, თუ პარლამენტის თავმჯდომარე ჩათვლის, რომ კვლევითმა ცენტრმა "აუთსორსზეც" მშვენივრად შეიძლება იმუშაოს", ის ასეთ გადაწყვეტილებას დაეთანხმებოდა.

მანამდე გავრცელდა ინფორმაცია,რომ 2025 წლის 21 იანვარს, პარლამენტის კვლევითი ცენტრის დირექტორის მიერ ჩატარებულ თათბირზე, კვლევითი ცენტრის სხვა თანამშრომლების თანდასწრებით, მკაფიოდ და აქცენტირებულად იქნა გაცხადებული, რომ იმ ხუთი ადამიანის გამო, რომლებიც ღიად გაემიჯნნენ 28 ნოემბერს გაკეთებულ განცხადებას ევროკავშირში გაწევრიანების მოლაპარაკებების გახსნის შეჩერების შესახებ და დაგმეს მშვიდობიანი პროტესტის არაპროპორციული ფორმებით დარბევა, პარლამენტის ხელმძღვანელობამ მიიღო პარლამენტის კვლევითი ცენტრის ლიკვიდაციის გადაწყვეტილება და ამ პროცესს, პარლამენტის კვლევითი ცენტრის დირექტორი ღირსეულად გაუძღვებოდა.

სტუმრები: ნინო ლეჟავა - საქართველოს პარლამენტის კვლევითი ცენტრის საერთაშორისო პრაქტიკის კვლევების განყოფილების მკვლევარი;
მარიამ ჩაჩუა - საქართველოს პარლამენტის კვლევითი ცენტრის ანალიტიკური კვლევების განყოფილების ხელმძღვანელი

#ახალიამბები #BusinessMediaGeorgia