უკრაინის გავლით ევროპაში რუსული გაზის ტრანზიტი გაჩერებულია. ომის შემდეგ დაწყებულ ენერგეტიკულ კრიზისს, რასაც გაზზე ფასის რეკორდული ზრდა მოჰყვა ევროკავშირმა ძირითადად აშშ-დან და ნორვეგიიდან ბუნებრივი აირის იმპორტის ზრდით უპასუხა. შედეგად რუსეთმა ყველაზე დიდი გაზის ბაზარი დაკარგა, თუმცა პუტინი ფიქრობს, რომ ევროკავშირის ზარალი უფრო დიდი იქნება, რასაც იზიარებს სლოვაკეთის ლიდერი რობერტ ფიცოც. რა გავლენას იქონიებს გაზის ფასზე რუსული ბუნებრივი აირის ევროპაში იმპორტის კიდევ უფრო შემცირება ამას შემდეგ თვეებში ვნახავთ, ისევე როგორც Gazprom-ის შემოსავლებზე ინფორმაციას, რომელმაც შარშან თითქმის 7 მილიარდი დოლარის ზარალი ნახა.


#ახალიამბები #BusinessMediaGeorgia