2024 წელს ჟურნალისტებზე სხვადასხვა ფორმის ძალადობის 200-მდე შემთხვევა დაფიქსირდა. ამის შესახებ TI-ის ანგარიშში წერია, რომელიც ქვეყანაში ამ მხრივ არსებულ მდგომარეობას ასახავს. ორგანიზაციის ცნობით, გასულ წელს ჟურნალისტების მიმართ საჯაროდ დაფიქსირებული ძალადობის შემთხვევები 2023 წლის ანალოგიურ მაჩვენებელზე თითქმის 5-ჯერ მეტია. ამ მხრივ განსაკუთრებით საგანგაშო იყო მდგომარეობა დეკემბერში - პროევროპული საპროტესტო აქციების დაწყებიდან არასამთავრობო ორგანიზაციებმა მედიის წარმომადგენლების უფლებების შელახვის 90-ზე მეტი შემთხვევა აღრიცხეს. მათ შორის იყო: მიზანმიმართული თავდასხმა, მძიმე ფიზიკური დაზიანება, უკანონო დაკავება, დაჯარიმება, აპარატურის განზრახ დაზიანება, ჟურნალისტურ საქმიანობაში უკანონოდ ხელის შეშლა, გაზის, სპრეის და წყლის ჭავლის გაშვების შედეგად დაშავება, მუქარა, შეურაცხყოფა.

სტუმარი : ზვიად ქორიძე - TI-ის რეგიონული ოფისების მენეჯერი;

#ახალიამბები #BusinessMediaGeorgia