როგორია კომპანია „ჩირინას“ ბოლო სიახლეები, გეგმები და დღევანდელ წარმოება, რომელიც შეადგენს თვეში 1620 ტონა ბროილერის ხორცს, საიდანაც ისინი 1200 ტონა პროდუქციას იღებენ, ხოლო, დაახლოებით 35% - რაც ნიშნავს 420 ტონას, არის საწარმოო ნარჩენი. ვინაიდან კომპანია „ჩირინას“ უმთავრესი პრიორიტეტია საწარმოო ნარჩენების გადამუშავება და გარემოზე ზრუნვა, ჩირინას გუნდისთვის თავიდანვე მნიშვნელოვანი იყო წარმოების უნარჩენო პროცესის ციკლის შექმნა.

შესაბამისად, „ჩირინამ“ ააშენა ცილოვანი საკვების ქარხანა, რომელიც აღჭურვილია დანიური კომპანია “Haarslev”-ის თანამედროვე დანადგარებით. საწარმოო ნარჩენების გადამუშავებით კი ახალი პროდუქტები მიიღება: ძვალ-ხორცის ფქვილი, სისხლისა და ბუმბულის ფქვილი და ცხიმი, რომელსაც იყენებენ სხვადასხვა ცხოველების საკვებ დანამატებად, როგორც ცილის მაღალი შემცველობის პროდუქტს. გარდა ამისა, „ჩირინამ“ დანერგა წყლის გაწმენდის თანამედროვე სისტემა, რომლის მეშვეობითაც ბიოლოგიურად ხდება წარმოებაში გამოყენებული წყლის გაწმენდა და შესაბამისად, საწარმოო პროცესი სრულად უსაფრთხოა გარემოსთვის.

სტუმარი: რევაზ ვაშაკიძე - "ჩირინას" დამფუძნებელი;

#ახალიამბები #BusinessMediaGeorgia