ატმოსფერული ჰაერის ხარისხის პორტალზე არსებული ინფორმაციით, 2024 წლის 25 დეკემბრიდან საქართველოს ტერიტორიაზე ჰაერში მყარი ნაწილაკების შემცველობის მატება ფიქსირდება. აღნიშნული ძირითადად ტრანსსასაზღვრო დაბინძურებას უკავშირდება და სამხრეთ, სამხრეთ-აღმოსავლეთიდან უდაბნოს მტვრის მასების მცირედ გავრცელებით არის განპირობებული.

პორტალზე არსებული მონაცემების მიხედვით, დღის განმავლობაში „ცუდი“ ჰაერის ხარისხი ფიქსირდებოდა თბილისის რამდენიმე წერტილში - კერძოდ ეს გახლავთ რუსთაველის, მარჯანიშვილისა და ვარკეთილის მეტროების მიმდებარე ტერიტორიებზე, რუსთავში - მეგობრობის გამზირისა და ბათუმის ქუჩის ტერიტორიებზე, ბათუმში- ბათუმის ცენტრალური პარკის მიმდებარედ და ახალციხეში.

ქვეყნის სხვა ტერიტორიებზე დღის განმავლობაში „დამაკმაყოფილებელი“, „კარგი“ ან „ძალიან კარგი“ ჰაერის ხარისხი ფიქსირდებოდა.

რამდენად დიდია ტრანსსასაზღვრო დაბინძურების მასშტაბი წელს და როგორია რეკომენდაციები?

სტუმარი: გიორგი ჯაფარიძე - "ჩემი ქალაქი მკლავს“ დამფუძნებელი;

#ახალიამბები #BusinessMediaGeorgia