სტომატოლოგიური კლინიკების შემოწმება ე.წ უწყვეტი სამედიცინო განათლების ქულებთან დაკავშირებით 1-ელ მარტამდე შეჩერდა, - ამის შესახებ გასული წლის ბოლო დღეს, ჯანდაცვის მინისტრმა სპეციალურ ბრიფინგზე განაცხადა.

სტომატოლოგებს უწყვეტ სამედიცინო განათლების (უსგ) სისტემაში ჩართვისა და ტრენინგებზე დასწრებით 20 ქულის დაგროვების ვალდებულება 2025 წლის 1-ლი იანვრიდან უჩნდებოდათ. რეგულაციის გადავადებას წინ უძღოდა სფეროს წარმომადგენლების პროტესტი. 700-ზე მეტმა ექიმ-სტომატოლოგმა 2024 წლის სექტემბერში ირაკლი კობახიძეს განცხადებითაც მიმართეს. სტომატოლოგები ეთანხმებოდნენ უწყვეტი გადამზადების მოთხოვნებს, თუმცა მიიჩნევდნენ, რომ ამ ეტაპისთვის რთულად მისაღწევი იქნებოდა, განსაკუთრებით კი რეგიონში მცხოვრები ექიმებისთვის, რადგან მოთხოვნილ ტრენინგებში მონაწილეობა წლის განმავლობაში 10 ათასი ლარის ფარგლებში მერყეობდა, რაც რიგ შემთხვევაში სტომატოლოგიური საქმიანობის მიწისქვეშეთში გადასვლას, რიგ შემთხვევაში კი მომსახურების გაძვირება გამოიწვევდა. რამდენად მისაღებია რეგულაციის რამდენიმე თვით გადავადება სტომატოლოგებისთვის და რა სირთულეების წინაშე დგას დღეს ეს სფერო?

სტუმარი: ირინა ბერკაცაშვილი - ჯანდაცვის განვითარებისა და უფლებათა დაცვის ლიგის ხელმძღვანელი;

#ახალიამბები #BusinessMediaGeorgia