თხილი და სხვა კაკალი ერთ-ერთია იმ პროდუქტთა შორის, რომლის ექსპორტიც საქართველოში აჭარბებს იმპორტს. წელს თხილისა და სხვა კაკლის ექსპორტი გაზრდილია თანხობრივად, თუმცა მოცულობით მცირედით შემცირდა.

მაგალითად, 2024 წლის 11 თვეში 90 მლნ აშშ დოლარის 15 000 ტონა თხილი გავყიდეთ საზღვრებს მიღმა, მაშინ როცა გასული წლის ანალოგიურ პერიოდში 79 მლნ აშშ დოლარის ღირებულების 16 751 ტონა თხილი გავიდა. ეს ნიშნავს, რომ ქართული თხილის საექსპორტო ფასი წელს დაახლოებით 27%-ით გაზრდილია.

რაც შეეხება საექსპორტო ქვეყნებს, წელს ქართული თხილი და სხვა კაკალი ყველაზე დიდი რაოდენობით იტალიაში გავიდა, სადაც 14,1 მლნ აშშ დოლარის ღირებულების 3000 ტონამდე თხილი გავყიდეთ. მას მოჰყვება ესპანეთი - 12,6 მლნ აშშ დოლარის 1664 ტონით და გერმანია 8,2 მლნ აშშ დოლარის 1189 ტონა თხილის ექსპორტით. ხუთეულში შედის საფრანგეთი (5,5 მლნ აშშ დოლარის 742 ტონა) და სომხეთიც (4,6 მლნ აშშ დოლარის 1072 ტონა).

სტუმარი: ლევან ქარდავა - თხილის გადამმუშავებელთა და ექსპორტიორთა ასოციაციის აღმასრულებელი დირექტორი;

#ახალიამბები #BusinessMediaGeorgia