დატვირთული გასული კვირის ბოლო გამოვიდა, ისევე როგორც მთელი წელი, როცა დამოუკიდებელი საქართველოს ისტორიაში პირველად, ქვეყანას მართავს პარტია, რომლის ლიდერებიც პარტნიორებმა აშშ-დან და ევროკავშირიდან, დემოკრატიისთვის ძირის გამოთხრისა და ადამიანის უფლებების დარღვევისთვის დაასანქცირეს. ქრონოლოგია ასე გამოიყურება:

აშშ-ის მიერ დაწესებული სავიზო შეზღუდვები 2023 წელს ჯერ მოსამართლეებს, 2024-ში კი „ქართული ოცნების“ ათობით წარმომადგენელსა და მათი ოჯახის წევრებს შეეხო. სანქციები „აგენტების კანონზე“ ხელმოწერიდან რამდენიმე დღეში გამოცხადდა.

სახელმწიფო დეპარტამენტის შემდეგ, აშშ-ის ფინანსთა სამინისტრომ დაასანქცირა და გლობალურ „მაგნიტსკის სიას“ დაამატა განსაკუთრებულ დავალებათა დეპარტამენტის ხელმძღვანელი ზვიად ხარაზიშვილი [ხარება], მისი ერთ-ერთი მოადგილე, მილერი ლაგაზაური და ასევე „ალტ-ინფოს“ ლიდერები, კონსტანტინე მორგოშია და ზურაბ მახარაძე.

სანქციების მორიგი ეტაპი აშშ-დან, ხოლო ისტორიაში პირველად - ევროკავშირიდან, 2024 წლის საპარლამენტო არჩევნებს დაუკავშირდა. 16 დეკემბერს ევროკავშირის საგარეო საქმეთა მინისტრებმა დიპლომატიური და სამსახურებრივი პასპორტების მფლობელები დაასანქცირეს და ევროპასთან უვიზო რეჟიმი შეუჩერეს. პერსონალური სანქციები ბიძინა ივანიშვილს, ასევე „ქართული ოცნების“ ლიდერშიფს და მინისტრებს ლიეტუვამ, ლატვიამ, ესტონეთმა და უკრაინამ დაუწესეს. მოსალოდნელია, რომ ევროპულს შეზღუდვებს სხვა ქვეყნებიც შეუერთდებიან რადგან ევროკავშირის ერთიან, პერსონალური სანქციებს უნგრეთი და სლოვაკეთი ბლოკავს.

„ქართულმა ოცნებამ“ საპასუხოდ თქვა, რომ სანქცირებულ სამართალდამცველებს, მათ შორის ხარებას, შს მინისტრ გომელაურსა და მის მოადგილეებს ღირსების ორდენით დააჯილდოებს. რას უპირებენ ქვეყნის ჩრდილოვან მმართველს ჯერ უცნობია. ცნობილია მხოლოდ ის, რომ რეაგირება ამერიკის მხრიდან იმაზე სწრაფი აღმოჩნდა ვიდრე ამას არათუ "ქართული ოცნება", არამედ თავად ოპოზიცია ელოდა.

სანქციების და პრეზიდენტ ზურაბიშვილის შეთავაზების მიუხედავად „ქართული ოცნების“ არც ერთი წარმომადგენელი ორბელიანი სასახლეში კრიზისიდან გამოსავლის პოვნაზე სასაუბროდ არ მისულა. მეტიც, გუშინ მათ 27წთ-ში ჩატეუ

#ახალიამბები #BusinessMediaGeorgia