"UG სკოლა ევროპულ ღირებულებებსა და ჰუმანურ-ლიბერალურ იდეებზე დაფუძნებული სასწავლო დაწესებულებაა. ჩვენ მტკიცედ გვჯერა, რომ საქართველოს განვითარება და წინსვლა ევროკავშირთან ერთადაა შესაძლებელი და ევროინტეგრაციის გზა გარდაუვალია. ჩვენ მხარს ვუჭერთ ყველას, ვინც ამ იდეებისთვის იბრძვის დღეს საპროტესტო აქციებში მონაწილეობით, თუ პროტესტის გამოხატვის სხვა ფორმით. UG სკოლა მიიჩნევს, რომ მოსწავლეების სკოლაში სიარული შესაძლოა მეტად დაეხმაროს მშობლებს იყვნენ მოქნილები ქვეყნისთვის სასიკეთო საქმის კეთებაში, და შესაბამისად სკოლა აგრძელებს ჩვეულებისამებრ ფუნქციონირებას. ამავდროულად, სკოლა შეუწყობს ხელს ყველა მოსწავლესა და მშობელს, რომლებიც არსებული ვითარების გამო ვერ ან არ მოვლენ სკოლის შენობამდე. ჩვენ გვჯერა, ჩვენი ადგილი ევროპაშია! ამ იდეას უკავშირდება ჩვენი სკოლის დევიზიც: ჩვენ ვდევთ სინათლეს!" - ეს განცხადება რამდენიმე დღის წინ იუჯი სკოლამ გააკეთა და ასე გამოეხმაურა მიმდინარე მოვლენებს, იმ პროტესტს, რომელიც საქართველოს მასშტაბით უკვე 13 დღეა მიმდინარეობს. სკოლის ფარგლებში ასევე რამდენიმე დღის წინ ორი დღის განმავლობაში სწავლაც შეწყდა. რა მნიშვნელობის არის ახლა პროტესტის მხარდაჭერა, პოზიციის დაფიქსირება მათ შორის განათლების სექტორის წარმომადგენლების მხრიდან?

სტუმარი: თინათინ თოფურია - UG სკოლის ადმინისტრაციის უფროსი;

#ქალებისნარატივი მარიამ იზორიასთან ერთად

#ახალიამბები #BusinessMediaGeorgia