“საქართველოს ტურიზმის ინდუსტრია გმობს ძალადობას, დესტაბილიზაციას და ქვეყნის უკუსვლას ევროინტეგრაციის გზაზე. ვერთიანდებით, ვაპროტესტებთ” - ამ მოწოდებით, ტურიზმის ინდუსტრიის წარმომადგენლებმა გასულ კვირას თბილისში საპროტესტო აქცია გამართეს. ალბათ არ გჭირდებათ, თუმცა, მაინც მცირედი შეხსენება რომ გავაკეთოთ, 28 ნოემბერს საქართველოს პრემიერ მინისტრმა, ირაკლი კობახიძემ განაცხადა, მთავრობა 2028 წლამდე ევროკავშირთან მოლაპარაკებების გახსნის საკითხს აჩერებს. მთავრობის მეთაურმა იქვე განმარტა რომ მათთვის კატეგორიულად მიუღებელია ევროკავშირში ინტეგრაციის განხილვა, როგორც მოწყალება, რომელიც ევროკავშირმა ჩვენთვის უნდა გაიღოს. პრემიერის განცხადებას მოჰყვა პროტესტი, რომელიც უკვე საქართველოს მასშტაბით, 13 დღეა გრძელდება. გასულ კვირას ასევე ვიხილეთ მედიის წარმომადგენლების, მშვიდობიანი მომიტინგეების, მიმართ, შსს-ს წარმომადგენლების მხრიდან განხორციელებული ძალადობის და უკანონო დაკავების რიგი შემთხვევები. სწორედ ამ მოვლენებს გაემიჯნა ტურიზმის სექტორი და პოზიცია მკაფიო პროტესტით გამოხატა. რა არის ტურიზმის ინდუსტრიის წარმომადგენლების სათქმელი, რა მოლოდინები აქვს ბიზნეს და რა გავლენას მოახდენს არსებული რეალობა ტურიზმზე?

სტუმარი: სალომე ბერაია - PEGAS Touristik Georgia-ს გენერალური დირექტორი;

#ქალებისნარატივი მარიამ იზორიასთან ერთად

#ახალიამბები #BusinessMediaGeorgia