ჟირაფი ჟოზე მალე Roblox-ის პლატფორმაზე გამოჩნდება. ეს არის ჟირაფი ჟოზეს და MetaViu-ს კოლაბორაციული პროექტი, რომელიც MetaViu-ს ინფორმაციით, ჟოზეს აუდიტორიისთვის და საქართველოს ბაზრისთვის სიახლე იქნება.
MetaViu-ს ცნობით, ჟოზეს 3D სამყაროში იქნება 3-დან 5 წლამდე და 5-დან 7 წლამდე ბავშვებისთვის საგანმანათლებლო პროგრამები, სადაც ბავშვები ჟოზესთან ერთად ფერებს, ფორმებს, ციფრებს შეისწავლიან და ასევე კრიტიკულ აზროვნებას, პრობლემის გადაჭრის და სხვადასხვა მნიშვნელოვან უნარებს გამოიმუშავებენ.
პროგრამა შედგენილია განათლების სპეციალისტთან ერთად საერთაშორისო გაიდლაინების დაცვით. ბავშვებისთვის გათვალისწინებულია სერტიფიკატები, მშობლებისთვის კი პირადი კაბინეტი, სადაც შეძლებენ თვალი ადევნონ შვილების პროგრესს. საგანმანათლებლო ნაწილთან ერთად ჟოზეს სამყაროში იქნება გასართობი თამაშებიც, სადაც ბავშვები ერთად იცეკვებენ, იმღერებენ და შეეჯიბრებიან სხვადასხვა დაბრკოლებების გადალახვაში. პროდუქტის პირველადი ვერსია უკვე მზად არის. დასაწყისში პატარებს საგანმანათლებლო მინი თამაშების თამაში შეეძლებათ,
ამისთვის კი მშობლები სპეციალურად პროექტისთვის შექმნილ საიტზე უნდა დარეგისტრირდნენ - ბმულს ახლა კადრშიც ხედავთ. რომლის მისამართია - metaviu.io.

#ახალიამბები #BusinessMediaGeorgia