იაპონურმა Lexus-მა კომფორტული ყველგანმავლის, Lexus GX-ის უახლესი მოდელი წარმოადგინა. თუ ქალაქის გზაზე, ისევე, როგორც მთაგორიან სერპანტინზე, Lexus-ის უახლესი ავტომობილი მყარად დგას და მძღოლს ავტომობილის მშვიდად ტარების სიამოვნებას ანიჭებს, ოფროუდზე ის ჭეშმარიტ არსებად გადაიქცევა, რომლის დანიშნულება — გზის რთული მონაკვეთის რაც შეიძლება კომფორტულად გავლაა. უახლესი Lexus GX-ის განახლებული დიზაინი, მდგრადი დაკიდების სისტემა და იაპონური გამძლეობა მას ერთ-ერთ საუკეთესო პრემიულ ოფროუდ ავტომობილად აქცევს ბაზარზე.

2024 წლის Lexus GX იმ ფილოსოფიის გამგრძელებელია, რომლითაც ეს ავტომობილი იაპონური ავტოკონცერნის სამოდელო ხაზში პირველად გამოჩნდა, ჯერ კიდევ შორეულ 2002 წელს. მას შემდეგ, Lexus GX-მა რამდენიმე თაობა გამოიცვალა, დაიხვეწა და, რაც ყველაზე მნიშვნელოვანია, საკუთარი მომხმარებელი იპოვა — ადამიანი, რომელსაც ავტომობილში, ძირითადად, კომფორტი, გამძლეობა და მაღალტექნოლოგიურობა მოსწონს, მაგრამ, არც ფიზიკურად და სულიერად დატვირთულ ოფროუდზე ამბობს უარს. როგორც ჩანს, ასეთი ადამიანი არც თუ ისე ცოტაა, რაზედაც წლების განმავლობაში გლობალურად გაყიდული 600,000-მდე Lexus GX მიუთითებს.

#ახალიამბები #BusinessMediaGeorgia