საქართველოში ფქვილის იმპორტი 59%-ით შემცირდა. საანგარიშო პერიოდში შემცირებულია საიმპორტო ფასიც. უფრო კონკრეტულად, გასული წლის შვიდ თვეში 1 კგ ფქვილის საშუალო საიმპორტო ფასი 28 ცენტი იყო, წელს კი შემცირებულია 26-ცენტამდე.საქართველოში იმპორტირებული ფქვილის უდიდესი ნაწილი რუსეთიდან შემოდის. კერძოდ, მიმდინარე წლის იანვარ-ივლისში რუსეთის წილი ფქვილის იმპორტში 91%-ს შეადგენდა. წელს უმსხვილესი 5 იმპორტიორი ქვეყანა ასე გამოყურება:
რუსეთი - 10.135 მლნ დოლარის 41 381 ტონა (1 კგ საშუალოდ 24 ცენტი);
თურქეთი - 605 ათასი დოლარის 1 108 ტონა (1 კგ საშუალოდ 54 ცენტი);
იტალია - 220 ათასი დოლარის 199 ტონა (1 კგ საშუალოდ 1.1 დოლარი);
ლიეტუვა - 49 ათასი დოლარის 125 ტონა (1 კგ საშუალოდ 39 ცენტი);
საფრანგეთი - 36 ათასი დოლარის 30 ტონა (1 კგ საშუალოდ 1.2 დოლარი)

შეგახსენებთ, საქართველოში იმპორტირებულ ფქვილზე გადასახადი მოქმედებს. განკარგულება მთავრობამ 2023 წლის 12 ივნისიდან აამოქმედა, რომელსაც 2024 წლის 1-ელ მარტამდე უნდა ემოქმედა, თუმცა 1-ელ სექტემბრამდე გახანგრძლივდა. თავდაპირველად ბაჟი ტონაზე 50 ლარს შეადგენდა, მოგვიანებით, 2023 წლის 10 ოქტომბრიდან ეს გადასახადი 250 ლარამდე გაიზარდა. ფქვილის მწარმოებელთა ასოციაციის ინფორმაციით, აღნიშნული გადასახადიდან ბიუჯეტში დაახლოებით 30 მლნ ლარის გადასახადი შევიდა.

როგორ აფასებენ ფქვილის მწარმოებლები ფქვილის საიმპორტო გადასახადის გახანგრძლივებას და რაზეა დამოკიდებული პურის ფასის სტაბილურობა, უნდა ველოდოთ თუ არა პურის გაძვირებას?

სტუმარი: ლევან სილაგავა - ფქვილის მწარმოებელთა ასოციაციის ხელმძღვანელი;

#ახალიამბები #BusinessMediaGeorgia