Pfizer-ი წონაში კლების პრეპარატების მრავალმილიარდიან ბაზარზე შედის და თან იმედს გამოთქვამს, რომ მის მიერ წარმოებული ყოველდღიური მოხმარების აბები წონაში კლების პრეპარატების ბაზარს დაიპყრობს.

Pfizer-მა განაცხადა, რომ დიდი ხნის ლოდინის შემდეგ მიიღო დადებითი შედეგები 20 ადამიანზე ჩატარებული კვლევის შედეგად. მანამდე ეს პრეპარატი გვერდით მოვლენებს იწვევდა.ახალი კვლევის ფარგლებში მის მონაწილეებს დღეში ორის ნაცვლად ერთ აბს აძლევდნენ და შედეგად, როგორც კომპანია ირწმუნება, იმედისმომცემი შედეგები მიიღეს.

ფარმაცევტული გიგანტი ცდილობს დაეწიოს კონკურენტებს Eli Lilly-სა და Novo Nordisk-ს სექტორში, რომლის ბრუნვაც, პროგნოზების თანახმად, წელიწადში 130 მილიარდ დოლარს მიაღწევს. ვინც არ იცით, გეტყვით, რომ Novo Nordisk-ი და Eli Lilly უკვე მილიარდობით დოლარს გამოიმუშავებენ წონის კლების მედიკამენტების Wegovy-სა და Zepbound-ის გაყიდვების წყალობით.

Goldman Sachs-ის ანალიტიკოსებმა გახდომის წამლების მსოფლიო ბაზრის მოცულობის პროგნოზი 100 მილიარდიდან 130 მილიარდ დოლარამდე გაზარდეს. მათი ვარაუდია, რომ 19 მილიონ ზრდასრულ ამერიკელს წონის კლების პრეპარატებს გამოუწერენ.

Pfizer-ი გეგმავს, წონის დასაკლები აბები რაც შეიძლება მალე დატესტოს, რომ წლის ბოლომდე მისი რეალიზაცია მოახდინოს.

#ახალიამბები #BusinessMediaGeorgia