ტურიზმიდან მცირე სტატისტიკასაც მოვიყვან, მსოფლიო ეკონომიკის ფორუმის “მოგზაურობისა და ტურიზმის განვითარების” 2024 წლის ინდექსით საქართველო 119 ქვეყნიდან 45-ე ადგილს იკავებს და მაქსიმალური 7 ქულიდან მისი შეფასება 4.14-ია.

ინდექსი 5 სხვადასხვა კატეგორიაში, ჯამში 102 ინდივიდუალურ ინდიკატორს აფასებს. ეს კატეგორიებია: ხელშემწყობი გარემო, ტურიზმის პოლიტიკა და ხელშემწყობი პირობები, ინფრასტრუქტურა და სერვისები, ტურიზმის რესურსები და ტურიზმის მდგრადობა.

ქვეკატეგორიებში საქართველომ ყველაზე მაღალი, 6.17 ქულა ტურიზმის სექტორის უსაფრთხოების კატეგორიაში მოიპოვა, ყველაზე დაბალი, 1.56 ქულა კი - იმ რესურსების ხელმისაწვდომობაში, რომლებიც პასიურ დასვენებას არ უკავშირდება.

აღსანიშნავია, რომ საქართველომ ევრაზიის რეგიონში ყველაზე მაღალი შეფასება დაიმსახურა. სომხეთი, 3.73 ქულით, 72-ე ადგილს იკავებს, აზერბაიჯანი 3.98 ქულით - 56-ე ადგილს.

#ახალიამბები #BusinessMediaGeorgia