ოლ-პი ჯგუფი იატაკის ტექნოლოგიების ლიდერ კომპანიად დასახელდა. საპატიო სტატუსი მას ერთ-ერთ ყველაზე გავლენიან ბიზნეს დაჯილდოებაზე Golden Brand ორგანიზატორების მიერ მიენიჭა. მათი განმარტებით, გადაწყვეტილების მიზეზი კომპანიის წარმატების უწყვეტი დინამიკა და პროექტების მასშტაბი გახდა. საერთაშორისო ხარისხი ოლ-პი ჯგუფმა 2022 წელს სერვისის ქვეყნის ფარგლებს გარეთ გატანითაც დაადასტურა. უზბეკეთში კომპანია უკვე არაერთ მნიშვნელოვან პროექტშია ჩართული. მათ შორისაა, კოკა-კოლას საწარმოს იატაკის სერვისებით სრულად უზრუნველყოფა, ასევე მასშტაბური ფარმაცევტული საწყობისთვის განხორციელებული სამუშაოები.

ოლ პი ჯგუფი, ელემენტ ჰოლდინგის შვილობილი კომპანიაა და თავად ჰოლდინგსაც არაერთი ჯილდო აქვს მიღებული. ელემენტ ჰოლდინგი, რომლის მდგრადი ინიციატივებიც სისტემატურად უწყობს ხელს სამშენებლო სექტორის წინსვლას, ამჯერად სოციალური კორპორაციული პასუხისმგებლობის სტანდარტების განვითარებაზე ზრუნავს. კომპანიის მხარდაჭერით, საქართველოს პასუხისმგებელი ბიზნესის კონკურსი - მელიორა 2024 გაიმართა.

#ახალიამბები #BusinessMediaGeorgia