საქართველოს ნაკრებმა ფეხბურთში დაწერა ახალი ისტორია, ნამდვილი და ჭეშმარიტად ქართული, ევროპული ისტორია სადაც ბრძოლით და ჟინით მოვახერხეთ, დავფიქსირდით ევროპის 16 საუკეთესო გუნდში. გვაქვს საოცარი ზრდა რეიტინგებში; იზრდება დაინტერესება ჩვენი ფეხბურთელებით, რომლებიც მნიშვნელოვნად გაიუმჯობესებენ პროფესიულ კარიერას და გაცილებით მაღალი შემოსავლებით ევროპის გრანდკლუბების მუნდირს დაიცავენ. ტრანსფერმარკეტის ერთგვარი რეიტინგიც მოწმობს, რომ სწორედ ქართველი ფეხბურთელები არიან ყველაზე მონახულებადი მათ სივრცეში. შემოსავლებში მნიშვნელოვანი მატება აქვს საქართველოს ფეხბურთის ფედერაციას, 12 ნახევარ მილიონ ევროს, აქამდე გამომუშავებულს ფედერაციის მიერ, ემატება ბიძინა ივანიშვილის საჩუქარი, 30 მლნ ლარი, რომელიც დღეს საღამოს გამარჯვების შემთხვევაში ესპანეთთან, გამეორდება და ქართველი ფეხბურთელების ნაკრები მორიგ საჩუქარს მიიღებს.

#ახალიამბები #BusinessMediaGeorgia