საქართველოში საშუალო თვიური ნომინალური ხელფასი გაიზარდა. სტატისტიკის ეროვნული სამსახურის ინფორმაციით, ზრდა 13 პროცენტია და 1943 ლარსა და 40 თეთრს შეადგენს. პირველ კვარტალში შედარებით მაღალი ხელფასი საფინანსო და სადაზღვევო, ინფორმაციისა და კომუნიკაციის დარგებში დაფიქსირდა. კაცების ხელფასი ყველა სექტორში აღემატებოდა ქალების ხელფასს. ქალების საშუალო ანაზღაურება 1540 ლარი, კაცების კი 2343 ლარი იყო.

იანვარ-მარტში დაქირავებით დასაქმებულთა თვიური ხელფასი ბიზნეს სექტორში 226.3 ლარით გაიზარდა. ყველაზე მაღალი ხელფასი ინფორმაცია და კომუნიკაციის და პროფესიული, სამეცნიერო და ტექნიკური საქმიანობების სფეროებში ფიქსირდება. რას გვაჩვენებს რიცხვები და რა არის რეალობა? არის თუ არა კადრების დეფიციტი კვლავ მთავარი გამოწვევა და როგორ აისახება რუსული კანონი დასაქმებაზე?

სტუმარი: მედეა ტაბატაძე - საკონსულტაციო და კვლევითი კომპანია Insource-ის მმართველი პარტნიორი;
#ახალიამბები #BusinessMediaGeorgia