13 312 713
ნახვა
30 770
ვიდეო

აშშ-ში “მფრინავ ტაქსებზე” ლიცენზია გაიცა

გაზიარება
ივნისი 13, 2024
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

შტატების თავზე, შესაძლოა მალე ვიხილოთ მფრინავი ტაქსები. ამ დასკვნის გამოტანის საშუალებას ამერიკის შეერთებული შტატების ავიაციის ფედერალური ადმინისტრაციის უახლესი გადაწყვეტილება იძლევა, რომლითაც ამერიკულმა Archer Aviation-მა მარეგულირებლისგან აშშ-ში საჰაერო ელექტროტაქსების სერვისის და ე.წ. “მფრინავი ტაქსების” შეკეთების ლიცენზიები მიიღო.
სამეცნიერო ფანტასტიკის ჟანრით შთაგონებული ფუტურისტული მომავალი, რომელსაც ამ დრომდე, უმეტესწილად, ჰოლივუდის წარმოების ფილმებში ვხედავდით, შესაძლოა, რეალობისგან არც ისე შორს იყოს.
აშშ-ს მარეგულირებლის ეს დასტური, მართალია, შუალედურია და კომპანიას ქვეყნის თავზე მფრინავი ავტომობილებით ადამიანების გადაყვანის უფლებას არ აძლევს, მაგრამ დანამდვილებით შეგვიძლია ვთქვათ, რომ ეს FAA-ის სრული ლიცენზიისკენ გადადგმული ძალიან დიდი ნაბიჯია. ტექნიკური კვლევების დასაწყებად ამერიკულ კომპანიას სულ მცირე ერთი დამატებითი ლიცენზია სჭირდება, რომელიც ამერიკის შეერთებული შტატების ავიაციის ფედერალურმა ადმინისტრაციამ Archer Aviation-ის მიერ წარმოებულ საჰაერო ელექტროტაქსის, Midnight-ს უნდა მიანიჭოს, ანუ დაადასტუროს, რომ ეს საჰაერო ხომალდი სრულ თანხვედრაშია შესაბამის სტანდარტებთან.
ამ ეტაპზე, Archer Aviation-ის ანგარიშში მხოლოდ ერთი მოდელი, Midnight-ი ირიცხება, რომელიც ვერტიკალურად ასაფრენ-დასაჯდომი თვითმფრინავია. Midnight-ი მბრუნავი მზიდი ხრახნითაა აღჭურვილი, რაც ნიშნავს, რომ ის ვერტმფრენივით ფრინდება და ჯდება, მაგრამ თვითმფრინავივით გადაადგილდება. კონკრეტულად ამ მოდელის საჰაერო ტაქსიში ოთხი მგზავრი და მძღოლი ეტევა, ხოლო თავად ელექტროტაქსი, ელემენტების სრული დამუხტვით, მაქსიმუმ 160 კილომეტრს გადის, რა დროსაც 240 კმ/სთ-მდე სიჩქარის განვითარება შეუძლია.

#ახალიამბები #BusinessMediaGeorgia

მაჩვენე მეტი
ტეგები : #businessmediageorgia