10 012 265
ნახვა
29 403
ვიდეო

საქართველო ევროპაზეა!

გაზიარება
მარტი 27, 2024
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია
1 - მომწონს
0 - არ მომწონს

არის საქართველო! არის ევროპა! 34 წლიანი ნატვრა ახდა და ისტორია დაწერილია. დიახ, საქართველო გავიდა ევროპაზე. საქართველო ნამდვილად ფორმაშია და ეს გუშინ კიდევ ერთხელ დადასტურდა, რისთვისაც მადლობა ჩვენი ნაკრების ბიჭებს, მადლობა გიორგი მამარდაშვილს, კვარაცხელიას, კაკაბაძეს, კაშიას, დვალს, ყველას, უკლებლივ, ვინც გუშინ გამარჯვებამდე მიგვიყვანა და საქართველოს ფეხბურთის ისტორია ახალი ფურცლიდან დაწერა.

ევრო 2024-ის საკვალიფიკაციო ეტაპის პლეი-ოფის ფინალში, საქართველომ საბერძნეთს მოუგო და ევროპის ჩემპიონატზე ისტორიაში პირველად გავიდა. მატჩის ძირითადი და დამატებითი დრო უგოლოდ, 0-0 დასრულდა, ხოლო პენალტების სერიაში საქართველოს ნაკრებმა მეტოქე 4-3 დაამარცხა.

საქართველოს ნაკრები ევროპის ჩემპიონატზე F ჯგუფში იასპარეზებს, სადაც თურქეთის, პორტუგალიის და ჩეხეთის ნაკრებებს შეხვდება.

ამ შეხვედრაში, რომელმაც მთელი საქართველო გააერთიანა და გუშინ შუა ღამემდე საქართველოს გაუმარჯოს - ძახილში გაატარებინა, Sofascore-სგან ყველაზე მაღალი შეფასება (7.8) გიორგი მამარდაშვილმა მიიღო. და დამსახურებულად! მადლობა მას კიდევ ერთხელ, რომ ამხელა ბედნიერების განცდა მოგვანიჭა.

რაც შეეხება უკვე ნაკრების განრიგს, ევროპაზე, თურქეთი-საქართველოს თამაში 18 ივნისს დორტმუნდშია ჩანიშნული, 22 ივნისს ჰამბურგში, საქართველო - ჩეხეთს შეხვდება და 26 ივნისს საქართველოს ნაკრები პორტუგალიას დაუპირისპირდება.


#ახალიამბები #BusinessMediaGeorgia

მაჩვენე მეტი
ტეგები : #სპორტი #businessmediageorgia