საქართველოს ეკონომიკისა და მდგრადი განვითარების სამინისტროს ინოვაციებისა და ტექნოლოგიების სააგენტო (GITA) 10 წლისაა. ორი დღის წინ გამართულ საიუბილეო ღონისძიებაზე, GITA-ს თავმჯდომარემ, ავთანდილ კასრაძემ სააგენტოს განვითარების ათწლიან პერიოდსა და საქმიანობაზე ისაუბრა. მისი თქმით, თანადაფინანსების გრანტების პროგრამის ფარგლებში დაფინანსდა გლობალური მასშტაბის პოტენციალის მქონე 200-ზე მეტი სტარტაპი, საგრანტო დაფინანსებამ კი 38 მილიონი ლარი შეადგინა.

დაფინანსებულმა სტარტაპებმა ნახევარი მილიარდი ლარის კერძო ფინანსური სარგებელი მოიპოვეს და 3000-მდე ახალი სამუშაო ადგილი შექმნეს. საქართველოს მასშტაბით, შეიქმნა 9 ტექნოპარკი, რომლებიც „ერთი ფანჯრის“ პრინციპით, ინოვაციური იდეების მქონე მოქალაქეებს მათ კომერციალიზაციაში ეხმარება. ამასთან, საგრანტო პროგრამის „25 000 ლარამდე ინოვაციების გრანტები რეგიონებისთვის“ ფარგლებში, საერთო ჯამში 80 პროექტი დაფინანსდა.

მთავარი სიახლე, რომელიც საქართველოს პრემიერმინისტრმა ირაკლი კობახიძემ დააანონსა ის არის, რომ საქართველოში ინოვაციური სტარტაპის სტატუსი დადგინდება და ამ სტატუსის მქონე კომპანიები 3 წლით გათავისუფლდებიან ყოველგვარი გადასახადისგან. პრემიერის თქმით, შესაბამისი კანონპროექტი პარლამენტში სულ მალე შევა. რა მოლოდინებს უქმნის სტარტაპებს დაგეგმილი თუ უკვე გადადგმული ნაბიჯები?

სტუმარი: გიორგი ჩუგოშვილი - Phubber-ის თანადამფუძნებელი;
#საქმიანიდილა-ს #ანალიტიკა ელენე კვანჭილაშვილთან ერთად



#ახალიამბები #BusinessMediaGeorgia