ფიზიკურ და იურიდიულ პირებს, რომლებიც 2024 წლის პირველი იანვრიდან სესხის აღებას გადაწყვეტენ და მათი ჯამური დავალიანება 300 000 ლარამდე იქნება, კრედიტის აღება მხოლოდ იმ ვალუტაში შეეძლებათ, რომელშიც შემოსავალი აქვთ. ამასთან, მოიხსნება შეზღუდვა პირებზე, რომლებსაც შემოსავალი უცხოურ ვალუტაში აქვთ და 200 000 ლარამდე სესხის აღება მხოლოდ ლარში შეუძლიათ. შესაბამისად, მათ კრედიტის აღებაც იმ ვალუტაში მოუწევთ, რა ვალუტაშიც შემოსავალი უფიქსირდებათ.

ეროვნული ბანკის ფინანსური სტაბილურობის კომიტეტის გუშინდელი გადაწყვეტილებებით, არაუზრუნველყოფილი სამომხმარებლო სესხების მაქსიმალური ვადიანობა 3-დან ისევ 4 წლამდე გაზარდა.

„იმის გათვალისწინებით, რომ არაუზრუნველყოფილი სამომხმარებლო სესხების 2022 წელს დაფიქსირებული მაღალი ზრდის მაჩვენებელი შემცირებულია, ხოლო აქტივობა მდგრად დონეზე ნარჩუნდება, მიმდინარე წლის 1 ნოემბრიდან ამ ტიპის სესხების მაქსიმალური ვადის ლიმიტი 3 წლიდან კვლავ 4 წლამდე გაიზრდება. სებ-ი მომავალშიც გააგრძელებს დაკვირვებას სამომხმარებლო დაკრედიტების ტენდენციებზე, რადგან ჯანსაღი საკრედიტო სტანდარტები ამ სეგმენტში შინამეურნეობების ვალის სტაბილურობის მნიშვნელოვანი წინაპირობაა,"- ნათქვამია ეროვნული ბანკის გადაწყვეტილებაში.

რა გავლენას იქონიებს გუშინდელი გადაწყვეტილებები დაკრედიტების მაჩვენებლებსა და ლარიზაციაზე?

სტუმარი: ლაშა ქავთარაძე - Galt&Taggart;-ის ეკონომისტი;

#ახალიამბები #BusinessMediaGeorgia