დედაქალაქის ქუჩების ყოველდღიურ რეჟიმში მორეცხვა გრძელდება. ამჯერად კოსტავას, მელიქიშვილისა და რუსთაველის გამზირები მოირეცხა. ასევე, მიმდებარედ არსებული მიწისქვეშა გადასასვლელები და კონტეინერები. სამუშაო პროცესს თბილისის მერი კახა კალაძე მერის მოადგილე ანდრია ბასილაიასთან და "თბილსერვის ჯგუფის" დირექტორთან, დავით ფაჩულიასთან ერთად გაეცნო.

დღესვე, გზის სავალი ნაწილი მოირეცხა გმირთა მოედნის მიმდებარე ტერიტორიაზე, გლდანის რაიონში და დიდ დიღომში. დედაქალაქის მასშტაბით, მორეცხვის სამუშაოები სხვადასხვა ქუჩაზე ყოველდღიურად, ღამის პირველ საათზე იწყება და დილის 06:30-მდე გრძელდება. სამუშაო პროცესში ჩართულია 20-მდე ერთეული სხვადასხვა ტიპის სპეცტექნიკა.

#რუსთავი2 #Rustavi2 #ახალიამბები