„ატმოსფერულ ჰაერში, 18 იანვრიდან, საქართველოს ზოგიერთ რაიონში, ასევე, დედაქალაქში, ფიქსირდება მყარი ნაწილაკების მატება, რაც, ძირითადად, ტრანსსასაზღვრო დაბინძურებას უკავშირდება და იგი, დიდი ალბათობით, ყარაყუმის უდაბნოდან (ცენტრალურ აზია) მტვრის მასების გავრცელებითაა გამოწვეული.“- განცხადება გუშინ დღის მეორე ნახევარში გარემოს ეროვნულმა სააგენტომ გაავრცელა.

უწყებაში განმარტავენ, რომ მიზეზების შესწავლა და დაზუსტება ამ ეტაპზეც მიმდინარეობს რასაც გარკვეული პერიოდი სჭირდება. აღსანიშნავია, რომ ტრანსსასაზღვრო დაბინძურება წლის განმავლობაში გარკვეულ დღეებში ფიქსირდება ანალოგიური სინოპტიკური სიტუაციის დროს და მეტეოროლოგიური მოვლენაა. დაბინძურებული ჰაერი დედაქალაქის მასშტაბით, გუშინ შეუიარაღებელი თვალითაც ადვილად შესამჩნევი იყო.

სააგენტოს განცხადებამდე ტრანს სასაზღვრო დაბინძურების შესახებ ინფორმაცია გაავრცელა ორგანიზაცია „ჩემი ქალაქი მკლავს“. მათი თქმით, თბილისში სმოგი ფიქსირდებოდა და არა ნისლი, როგორც ეს ბევრ ჩვენთაგანს ეგონა.

როგორია ვითარება ქალაქში და რა გავლენას ახდენს ადამიანების ჯანმრთელობაზე ჰაერის დაბინძურება?

სტუმარი: გიორგი ჯაფარიძე - "ჩემი ქალაქი მკლავს" დამფუძნებელი;


#ახალიამბები #BusinessMediaGeorgia