საქართველოს ბანკის და GITA-ს მხარდაჭერით, 500 Georgia-ს შერჩეული 14 საუკეთესო სტარტაპი სამ თვიან ინტენსიურ აქსელერაციის პროგრამაში იღებს მონაწილეობას. ამისთვის 30 ქვეყნიდან სულ 239 განაცხადი შემოვიდა, შერჩეულ კანდიდატებს კი მსოფლიო დონის მენტორები დაეხმარებიან ცოდნის, გამოცდილების და სტარტაპ კომპანიების ცნობადობის გაზრდაში. შეგახსენებთ, რომ საქართველოს ბანკის, GITA-სა და მსოფლიოში წამყვანი გლობალური აქსელერატორის, 500 Global-ის პარტნიორობა გრძელდება, რომლის ფარგლებშიც საქართველოში 4 წლის განმავლობაში სტარტაპები გადამზადდებიან. გლობალური დონის აქსელერაციის პროგრამა წელიწადში ორჯერ ჩატარდება და სტარტაპებს მთელი მსოფლიოს მასშტაბით საშუალება ექნებათ, გაიარონ გადამზადების ინტენსიური კურსი, რომელიც დემო დღით დასრულდება. ამჯერად კი სტარტაპ Bonpara-ზე გიამბობთ.



#ახალიამბები #BusinessMediaGeorgia