მილიონი დოლარის ღირებულების ინვესტიცია მესტიაში და სასტუმრო, რომელმაც გახსნის პირველივე სეზონზე უკვე 60%-იანი დატვირთვით იმუშავა. სასტუმრო ფალიანი, რომლის სათავეშიც სვანი ქალი, ეკა გველესიანი დგას. ავთენტურობაზე აქცენტის გაკეთება სასტუმროს მთავარ უპირატესობად იქცა და გაამართლა კიდეც. ზაფხულში გახსნილი სასტუმრო ფალიანს წელს ძირითადად ევროპელი მაღალ მხარჯველი ტურისტები სტუმრობდნენ. სასტუმროს მესვეურს გეგმებიც უკვე წინასწარ აქვს გაწერილი, რომელზეც ფორბსის კვირის კამერასთან ისაუბრა. რას სთავაზობს სასტუმრო ფალიანი დამსვენებელს, როგორი ტურისტული სეზონი იყო სვანეთში და რა სჭირდება დღეს მესტიას იმისთვის რომ უფრო მეტი ტურისტი მიიღოს?


#ახალიამბები #BusinessMediaGeorgia