თბილისის მერია ვარკეთილში მდებარე ავარიული საცხოვრებელი კორპუსის ახალი შენობით ჩანაცვლებაზე 7.5 მილიონ ლარს დახარჯავს. პროექტს მერიის დაქვემდებარებაში არსებული “თბილისის განვითარების ფონდი” განახორციელებს. კორპუსის ჩანაცვლება ტენდერის გარეშე, გამარტივებული შესყიდვით მოხდება. ჯერჯერობით უცნობია, რომელ კომპანიასთან გაფორმდება შესაბამისი კონტრაქტი.

ერთ-ერთი არგუმენტი თუ რატომ გადაწყვიტა თბილისის მერიამ შენობის კონკურსის გარეშე გამარტივებული წესით ჩატარება, შესყიდვის პირობებია.თბილისის მერიის ინფორმაციით, ვარკეთილის მესამე მასივში მდებარე კორპუსის ჩანაცვლება 7.5 მლნ დაჯდება, ბიუჯეტიდან საპილოტე პროექტზე 1 მლნ ლარი გამოიყოფა, დანარჩენი 6 მლნ ლარი კი ნამატი ფართებით დაკომპენსირდება.
თბილისის მერიაში ამბობენ, რომ ასეთი შესყიდვა პრაქტიკაში არ განხორციელებულა, ხოლო საპილოტე პროექტის შესრულება მათთვის პრინციპულად მნიშვნელოვანია.

სტუმარი: რეზი სოხაძე - სამგორის რაიონის მაჟორიტარი, თბილისის საკრებულოს ურბანული დაგეგმარებისა და საქალაქო მეურნეობის კომისიის თავმჯდომარე;


#ახალიამბები #BusinessMediaGeorgia