● 23 ნოემბერს ასწლოვანი ისტორიის მქონე მელიტონ კუხიანიძის სახელობის აჭარის სიმღერისა და ცეკვის სახელმწიფო აკადემიური ანსამბლ „არსიანის“ ვარსკვლავთა ხეივანს კიდევ ერთი ღვაწლმოსილი ხელოვანის სახელობითი ვარსკვლავი შეემატა.

● საქართველოს კულტურის პალატის ორგანიზებით ანსამბლ „სუხიშვილების“ ოქროს თაობის წარმომადგენლის, აჭარის სიმღერისა და ცეკვის სახელმწიფო აკადემიური ანსამბლ „არსიანის“ სამხატვრო ხელმძღვანელის, საქართველოს დამსახურებული არტისტის, ბათუმის საპატიო მოქალაქის, ღირსების ორდენისა და ქართული ცეკვის რაინდის კავალერის, გიორგი ჩაჩავას სახელობითი ვარსკვლავი გაიხსნა.

● გიორგი ჩაჩავამ დიდი წვლილი შეიტანა ანსამბლის შემოქმედებით განახლებასა და ახალი თაობების აღზრდაში. ბატონი გიორგი იმ შემოქმედთა პლეადას მიეკუთვნება, რომლებმაც ეს ანსამბლი ასი წლის განმავლობაში აცოცხლეს.

● სიახლეები ქართული ცეკვის შესახებ: CHUB1NA.GE
● Georgian Dance News: CHUB1NA.GE
● https://www.facebook.com/chub1na.ge