მთავრობის უწყებათაშორისი საკოორდინაციო საბჭოს გადაწყვეტილებით, ეკონომიკის გახსნა ქვეყანაში კვლავ გადაიდო და მორიგი თარიღი 2021 წლის პირველი თებერვალია, რაც იმას ნიშნავს, რომ საბაგიროები მთის კურორტებზე, მიუხედავად ბევრი მცდელობისა თუ არგუმენტებისა, მინიმუმ ამ დრომდე არ გაიხსნება. თუმცა აქ კიდევ ერთი მნიშვნელოვანი გარემოებაა: როგორ ვიქცევით დაანონსებული თარიღის დადგომის შემდგომ და რამდენად მზად ვართ, რამდენად მზად არის ბიზნესი ზამთრის ტურისტული სეზონის დაწყებისთვის. როგორია პროგნოზები და მოლოდინები, იმისათვის რომ ბიზნესმა დაიწყოს მუშაობა. ისიც ცხადია, რომ დროთა განმავლობაში ბევრი რამ შეიძლება შეიცვალოს, რადგან საუბარია კორონავირუსის, მათ შორის ახალ შტამზეც, ისედაც მყიფე და არასტაბილურ ეპიდემიოლოგიურ მდგომარეობაზე. ასეთ დროს, რთულია წინასწარ განჭვრიტო ვითარება, რადგან შესაძლოა ბევრი რამ შესაცვლელიც გახდეს. ყველა შემთხვევაში, ბიზნესმა და დამსვენებლებმაც წინასწარ უნდა იცოდნენ ვითარება, რაზეც მეტწილად მათი შემოსავლები, ხოლო ადგილობრივი დამსვენებლების შემთხვევაში, დღის წესრიგია დამოკიდებული- დაიწყონ მზადება თუ არა მოკლე ზამთრის სეზონისთვის. ამის აუცილებლობაზე ჯანდაცვის პოლიტიკის სპეციალისტმა აკაკი ზოიძემ Forbes Talk-ში 30 დეკემბერს ისაუბრა.

სტუმარი: აკაკი ზოიძე - ჯანდაცვის ექსპერტი


#ახალიამბები #BusinessMediaGeorgia