ბიზნესი სადაც სიახლე არ არის, განწირულია კრახისთვის“- ასე მიიჩნევს „მხოლოდ ქართულის“ რუბრიკის გმირი, გოჩა ღაღაშვილი, რომელმაც ბიზნესი თელავის რაიონში, სოფელ კურდღელაურში 2008 წლის კრიზისის შემდეგ, სახლის პირობებში სულგუნის გაკეთებით დაიწყო. შესაძლებლობების გაჩენასთან ერთად საწარმოში პროდუქციის მრავალფეროვნებაც გაიზარდა. „ცივის ყველის“ ბრენდის ქვეშ დღესდღეობით ორასამდე ნაირსახეობის ყველს აწარმოებენ. მეტიც, „ცივის ყველის“ სახელი საქართველოს ფარგლებსაც გაცდა. მართალია მცირე რაოდენობით, თუმცა ერთი კვირის წინ, ქართული საწარმოს პროდუქცია ექსპორტზე ამერიკის შეერთებულ შტატებში, დუბაისა და ჩინეთში
გაიგზავნა. შეიძლება ითქვას, „ცივის ყველი“ კრახისთვის არა, მაგრამ დიდი წარმატებისთვის ნამდვილად განწირულია.

გოჩა ღაღაშვილი - „ცივის ყველი"; დამფუძნებელი

#ახალიამბები #BusinessMediaGeorgia