ჭიათურაში, სოფელ შუქრუთში მაღაროს მიმდებარე ტერიტორია ადგილობრივმა მოსახლეობამ მათი საცხოვრებელი სახლების შეკეთება/აღდგენისა და კომპენსაციის მიღების მოთხოვნით გადაკეტა. აქციის მონაწილეები თვლიან, რომ „ჯორჯიან მანგანეზის“ მიერ წარმოებული სამუშაოები მათ ზიანს აყენებს. შუქრუთში საპროტესტო აქციამ კომპანიის საწარმოო პროცესის შეჩერება გამოიწვია. საპროტესტო აქციას წინ უძღოდა კომპანიასა და მოსახლეობას შორის არაერთი შეხვედრა, სადაც პრობლემური საკითხების განხილვა მოხდა, მათ შორის, გუშინ აქციის მონაწილეებს „ჯორჯიან მანგანეზის“ სპეციალური მმართველი ნიკოლოზ ჩიქოვანი შეხვდა და მათ მოლაპარაკებისკენ მოუწოდა, რაზეც უარი მიიღო.

სტუმარი: მერაბ ლომინაძე - "ჯორჯიან მანგანეზის“ საოპერაციო დირექტორი



#ახალიამბები #BusinessMediaGeorgia